"Беларусбанк": Махляры рассылаюць СМС ад нашага імя
Банк папярэджвае сваіх кліентаў пра ашуканскую рассылку карыстальнікам плацежных карт.
"Да ўвагі трымальнікаў плацежных карт нашага банка: калі вам прыйшло СМС з інфармацыяй, што карта заблакаваная, і просьбай ператэлефанаваць па нейкім нумары, рэкамендуем звярнуцца ў банк па месцы адкрыцця рахунку для высвятлення сітуацыі. Гэта могуць быць ашуканскія дзеянні. Наш банк ніякіх СМС не адпраўляў", — папярэджваюць у "Беларусбанку".
Банк таксама просіць усіх, хто сутыкнуўся з такой рассылкай, паведамляць пра яе ў кантакт-цэнтр па нумары 147, паведамляе БЕЛТА.
Фота — ria.ru
