Барадай уцёк з Данецка ў Расію, "прэм'ерам ДНР" стаў былы генерал КДБ
Украінскія сілавікі акружаюць так званую "Данецкую народную рэспубліку". Некаторыя лідары тэрарыстаў паспяшылі збегчы ў Расію.
Сярод іх апынуўся і расіянін Аляксандр Барадай, які называў сябе "прэм'ер-міністрам ДНР". Яго месца заняў генерал-лейтэнант Уладзімір Анцюфееў, які ў апошнія тыдні быў кіраўніком "сілавога блоку" тэрарыстаў. Каля 20 гадоў ён ачольваў КДБ непрызнанай рэспублікі Прыднястроўе, а пасля быў вымушаны з'ехаць у Расію. Адтуль ён і прыехаў у Данецк у пачатку ліпеня.
Як інфармуе тэлеканал ТСН, Анцюфееў абвесціў сябе і "галоўнакамандуючым ДНР".
Фота — АР, basarabia.md
