Азаранка выйшла ў 1/8 фіналу турніру ў Чыкага, а Сасновіч прайграла

Вікторыя Азаранка выйшла ў 1/8 фіналу тэніснага турніру ў Чыкага. У другім крузе яна выйграла ў Хейлі Баптыст з ЗША — 6:2, 4:6, 6:3. Азаранка — 34-я ракетка свету, яе саперніца — 174-я.

У наступным крузе беларуская тэнісістка згуляе з іспанкай Гарбінье Мугуруса, 9-й у сусветным рэйтынгу.

Аляксандра Сасновіч (106) у 1/16 фіналу турніру ў Чыкага саступіла Алене Рыбакінай (17) з Казахстана — 4:6, 4:6.