Амбасадар Швецыі спадзяецца, што Лукашэнка прыедзе на саміт у Брусэль
На саміце "Усходняга партнёрства" ў Брусэлі, які пройдзе напрыканцы лістапада, чакаюць Аляксандра Лукашэнку. Пра гэта амбасадар Швецыі ў Беларусі Крысціна Юханесан паведаміла ў эфіры Еўрарадыё.
"Я спадзяюся, што прыедуць кіраўнікі ўсіх 34 краін, якім дасланыя запрашэнні", — заявіла дыпламат.
Па яе словах, ніякіх сюрпрызаў ад саміту "Усходняга партнёрства" чакаць не варта. Гэта ўжо дарослая ініцыятыва, кажа Юханесан, і яна можа ісці па накатаных рэйках.
