Алекс Капранас: Ва ўсім вінаваты арэх

Лідар Franz Ferdinand Алекс Капранас ледзь не сарваў выступ каманды на фэсце Sziget. Напярэдадні канцэрту Капранас паабедаў рысам, у якім, як апынулася пазней, была невялікая доля арахіса. Гэты арэх справакаваў алергічную рэакцыю ў спевака. Былі выкліканы медыкі, якія ўвялі Капранасу некалькі ін'екцый.

Са сцэны, на якой мусілі выступаць Franz Ferdinand, гучалі пажаданні хуткага выздараўлення Алексу ад калег. І Алекс не прымусіў сябе доўга чакаць. Ужо ў 19:30 музыка, абсалютна бадзёры і шчаслівы, пачаў сэт "Фердынандаў" баевікамі "No You Girl" ды "Right Action".

Нагадаем, новая пласцінка гурта "Right Thoughts, Right Words, Right Action", чацвёртая па ліку, з'явіцца 26 жніўня.

Фота: www.dailyrecord.co.uk