485 забітых і патопленыя танкі: як расіяне ўкраінскую раку фарсавалі

Ну калі там ужо бераг? / калаж Улада Рубанава, Еўрарадыё
Ну калі там ужо бераг? / калаж Улада Рубанава, Еўрарадыё

485 расійскіх "вызваліцеляў" знішчаныя пры спробе пераправы цераз раку Северскі Данец. І гэта не лічачы вялікай колькасці баявой тэхнікі агрэсара, патопленай украінцамі.

Пра тое, як бравае фарсаванне абярнулася для войскаў РФ цяжкімі стратамі, расказвае мілітары-канал "Информация".

 

Навошта яны наогул туды палезлі?

Перапраўка расіян цераз раку Северскі Данец дазволіла б ім адсекчы шляхі забеспячэння, а пасля зладзіць "малы кацёл" для абаронцаў Лісічанска і Севераданецка.

— У Данецкай і Луганскай абласцях цяпер тры асноўныя крэпасці: Славянск/Краматорск, якія з'яўляюцца ўмоўным тылам, Лісічанск/Севераданецк ужо проста на перадавой і Бахмут крыху на поўдзень, піша ваенны аглядальнік "Информации". — зразумела, дарогі, якія злучаюць іх, з'яўляюцца крытычна важнымі для забеспячэння ўкраінскіх сіл боепрыпасамі, правізіяй, эвакуацыі параненых і перакідання падмацавання.

 

Пераправа за пераправай

Спробы расіян фарсаваць Северскі Данец пачаліся 2–3 траўня. Спачатку ім удалося заняць сяло Шыпілаўка, але 4 траўня да ўкраінцаў падышло падмацаванне і выбіла акупантаў.

485 убитых и потопленные танки: как россияне украинскую реку форсировали
Тактычная абстаноўка 2–3 траўня / t.me/libertas_justitia_veritas

Раніцай 5 траўня расіяне абстрэльваюць з артылерыі мясцовасць каля Серабранкі і Дронаўкі, пасля чаго зноў спрабуюць фарсаваць раку. На месца аператыўна прыбываюць сілы ўкраінцаў. У выніку перапраўшчыкі страцілі чатыры буксірна-маторныя катары, сем звёнаў пантоннай пераправы, чатыры БМП-1АМ, плавальны транспарцёр, адзін КамАЗ і дзве машыны разгараджэння ІМР-2. "Напэўна яшчэ штосьці засталося за кадрам", — дадае ваенны аглядальнік "Информации".

485 убитых и потопленные танки: как россияне украинскую реку форсировали
Так выглядае пераправа, арганізаваная пры дапамозе пантоннага парка ПП-2005 / Дзмітрый Лявонаў

Навука не ідзе на карысць

7 траўня "вызваліцелі" трэці раз падступаюцца да ракі, але ўжо каля Белагораўкі. Падключаюцца расійская артылерыя і авіяцыя, дзвюм штурмавым ротам расіян удаецца заняць мясцовасць на Шыпілёўскіх горах. На наступны дзень рыхтуюцца пантоны, але пераправіць практычна нічога не ўдалося, бо перашкодзіла ўкраінская артылерыя.

485 убитых и потопленные танки: как россияне украинскую реку форсировали
Патопленыя звёны пантоннай пераправы расіян каля Белагораўкі, від зверху / t.me/libertas_justitia_veritas

Няўдача нічому не навучыла захопнікаў. 9–10 траўня расіяне не губляюць надзеі аднавіць знішчаную пераправу і спрабуюць перакінуць каля сотні адзінак тэхнікі са складу батальённай тактычнай групы.

— Наша артылерыя і авіяцыя былі ўжо прыстраляныя па іх пераправе і за ноч расхраначылі ўсю тэхніку і саму пантонную пераправу, — расказвае аглядальнік "Информации". — Расійскія танкісты ў паніцы спрабавалі ўцячы назад на левы бераг і ўтапілі кучу танкаў у рацэ. У жывых засталося крыху больш за роту асабовага складу і тая тэхніка, якая паспела рушыць да Шыпілаўкі і Белагораўкі.

У выніку каля Белагораўкі расіяне страцілі як мінімум:
— 18 танкаў Т-72;
— 55 баявых машын пяхоты;
— 5 бронетранспарцёраў МТЛБ;
— плавальную баявую машыну дэсанта БМД-2;
— дзве браняваныя рамонтна-эвакуацыйныя машыны БРЭМ-1;
— плавальны транспарцёр ПТС-3;
— 2 буксірна-маторныя катары;
— КамАЗ і 9 пантонных грузавікоў з некалькімі дзясяткамі пантонных звёнаў.

485 убитых и потопленные танки: как россияне украинскую реку форсировали
Мемы ад байцоў украінскай 58-й асобнай мотапяхотнай брыгады, якая "дапамагла" расіянам "навесці пераправу" / калаж 58-й АМПБр

11–12 траўня тыя войскі РФ, што засталіся на правым беразе, спрабуюць штурмаваць горад Прыволле. Гэта ім не ўдаецца. Тыя, хто выжыў, кідаюць тэхніку і ўплаў перабіраюцца на левы бераг.

Канал "Информация" дадае, што 11 траўня каля Белагораўкі быў ліквідаваны Дзяніс Казлоў, камандзір 12-й асобнай інжынернай брыгады, які, верагодна, кіраваў арганізацыяй пераправы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі