4-гадовы мэр горада балатуецца на другі тэрмін (відэа)
У маленькім амерыканскім гарадку Дарсет жывуць толькі 28 чалавек.
Кіраўніка горада яны выбіраюць на штогадовым фестывалі 4 жніўня, выцягваючы паперкі з імёнамі кандыдатаў з капялюша. Паколькі органаў самакіравання няма, таму пасада мэра хутчэй намінальная і галасаванне жартаўлівае. Для таго, каб у ім паўдзельнічаць, трэба заплаціць 1 долар.
Летась трохгадовы хлопчык Роберт Тафц паспрабаваў свае сілы і выйграў выбары. Сёлета яму ўжо 4 гады і ён не хоча развітвацца з пасадай — ідзе на другі тэрмін. Яго маці жартуе, што малодшы брат Роберта таксама думае пра ўдзел у выбарах, паведамляе расійскі тэлеканал "Вести".
