25 жніўня — угодкі абвяшчэння незалежнасці Беларусі
Дэкларацыі аб суверэнітэце быў нададзены статус канстытуцыйнага акту.
25 жніўня 1991 года Вярхоўны савет Беларусі надаў Дэкларацыі аб дзяржаўным суверэнітэце статус канстытуцыйнага акту. Гэта адбылося пасля таго, як у Маскве праваліўся путч "ГКЧП".
25 жніўня на плошчы Леніна ў Цэнтры Мінска адбыўся шматтысячны мітынг, удзельнікі якога патрабавалі разагнаць камуністычную партыю. Дэкларацыю аб дзяржаўным суверэнітэце БССР прынялі яшчэ 27 ліпеня 1990 года, аднак рэальную моц яна набыла толькі ў жніўні 1991-га. Менавіта з гэтага дня наша краіна стала фактычна самастойнай.
Пасяджэнне Вярхоўнага Савета праходзіла пад бела-чырвона-белым сцягам, які ўнеслі ў залу сябры БНФ на чале з Зянонам Пазняком. Дарэчы, дзяржаўнымі сімваламі Беларусі гістарычны сцяг і герб "Пагоня" былі зацверджаныя толькі праз месяц.
