12-метровая “падводная лодка” ў Мінску (фота)

У Мінску з’явіўся мабільны музей-лабараторыя Цэнтра акіянаграфіі “Адкрыты акіян”. Яго аформілі ў выглядзе падводнай лодкі. Экспазіцыю змясцілі ў 12-метровы вайсковы прычэп, які цягне ЗІЛ-130. Машына знаходзіцца на пляцоўцы перад Культурна-спартыўным цэнтрам Мінскага аддзялення Беларускай чыгункі.

Як інфармуе агенцтва “Мінск-навіны”, музей абсталяваны так, што наведвальнікі адчуваюць сябе на падводнай лодцы. Ёсць нават перыскоп, праз які, праўда, можна бачыць віртуальную рэальнасць.