11 красавіка ў Варшаве выступіць "Ляпіс Трубяцкі"
У польскай сталіцы пройдзе канцэрт “Салідарныя з Беларуссю”.
Ён распачнецца заўтра а 19-й гадзіне на плошчы насупраць гатэля “Брыстоль”. Онлайн-трансляцыя будзе весціся праз інтэрнэт.
Сёлетні канцэрт будзе своеасаблівай падтрымкай Украіны. Апрача “Ляпісаў”, на ім выступяць украінскі гурт “Казак Сістэм”, польскі гурт “Малео Рэгі Рокерс”, а таксама малады гурт з Беларусі “Амарока”.
Усе гурты, што зайграюць на канцэрце “Салідарныя з Беларуссю”, у гэтым годзе выступалі на кіеўскім Майдане.
Акцыя “Салідарныя з Беларуссю” таксама адбудзецца і ў іншых гарадах Польшчы.
Фота — ria.ru
