З'явілася відэа, як у Расіі знішчылі 2 тоны яблык, прывезеныя з Беларусі

З'явілася відэа, як у Расіі знішчылі амаль 2 тоны яблык, якія везлі з Беларусі. Аўтамабіль аб'язджаў фітасанітарныя кропкі, а адпаведных дакументаў на груз не было. Здарэнне адбылося ў Пскоўскай вобласці. Спецыялісты Рассельгаснагляду знайшлі пацверджанне, што насамрэч яблыкі прывезены з Украіны. Груз знішчылі 26 студзеня на палігоне ў Себежы, паведамляе ursn.spb.ru.