ЗША падрыхтавалі 2 тысячы вайскоўцаў для дапамогі Ізраілю
![Гэтыя амерыканскія вайскоўцы знаходзяцца і на Блізкім Усходзе, і ў краінах Еўропы](/sites/default/files/styles/gallery_main/public/2023-10/usaa.jpg.webp?itok=u1T4096p)
Гэтыя амерыканскія вайскоўцы знаходзяцца і на Блізкім Усходзе, і ў краінах Еўропы / Reuters
ЗША падрыхтавалі 2 тысячы вайскоўцаў для дапамогі Ізраілю. Пры гэтым удзелу амерыканскіх салдат у магчымых баявых дзеяннях не прадугледжваецца, піша The Wall Street Journal са спасылкай на крыніцу ў Пентагоне. Калі вайскоўцаў і адправяць у Ізраіль, яны будуць займацца кансультаваннем і медыцынскай падтрымкай.
Амерыканскія вайскоўцы са згаданых адабраных 2 тысяч знаходзяцца і на Блізкім Усходзе, і ў краінах Еўропы.
ЗША ўжо падтрымалі Ізраіль адпраўкай ва ўсходнюю частку Міжземнага мора двух ударных груп на чале з авіяносцамі "Джэральд Форд" і "Дуайт Эйзенхаўэр".
Армія абароны Ізраіля рыхтуецца да наземнай аперацыі ў сектары Газа супраць тэрарыстаў з ХАМАС, якія атакавалі краіну 7 кастрычніка, забівалі і бралі ў закладнікі мірных жыхароў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.