Золатавалютныя рэзервы Беларусі ў чэрвені знізіліся на $353,8 млн
Золатавалютныя рэзервы Беларусі ў чэрвені 2021-га знізіліся на $353,8 млн (на 4,6%). Да гэтага ў красавіку-траўні яны раслі (у апошнім месяцы вясны — на 485,2 млн долараў). На 1 ліпеня золатавалютныя рэзервы складалі $7,4 млрд.
У Нацбанку тлумачаць зніжэнне ЗВР планавымі выплатамі па ранейшых крэдытах (каля 240 млн долараў) і зніжэннем кошту манетарнага золата.
На канец 2021 года Нацбанк плануе ўтрымаць ЗВР на ўзроўні не ніжэй за $6 млрд.
