Жырыноўскі хоча, каб Беларусь увяла войскі ва Украіну
Лідар Ліберальна-дэмакратычнаф партыі Расіі заяўляе, што да 9 траўня трэба вызваліць Украіну ад "карычневай чумы".
Па словах Жырыноўскага, якія перадае rusnovosti.ru, дэпутаты ўсіх фракцый расійскай Дзярждумы запатрабавалі ад ваенна-палітычнага кіраўніцтва Расіі як мага хутчэй прыняць усе меры, каб спыніць карную аперацыю кіеўскіх уладаў.
На яго думку, не павінна заставацца ў баку і Беларусь. Нашая дзяржава, на думку расійскага палітыка, магла б увесці войскі ў паўночна-заходнія вобласці Украіны і дапамагчы заблакаваць сілы Кіева.
Антытэрарыстычную аперацыю, якую пачалі кіеўскія ўлады, Жырыноўскі называе наступам на Расію.
Фота — telegrafist.org
