Жыхары "Каскада" вывесілі белыя, чырвоныя і белыя майткі (відэа)

У двары жылога комплекса "Каскад" у Мінску — новая інсталяцыя. Раней жыхары вывешвалі вялікія бел-чырвона-белыя сцягі. Аднак супрацоўнікі МНС прыганялі вышку і здымалі сцягі.

Цяпер над дваром лунаюць вялізныя майткі — белыя, чырвоныя і белыя. Жыхары "Каскада" чакаюць наступнага прыезду вышкі ратавальнікаў.

Пасля таго, як за выкарыстанне бел-чырвона-белага сцяга актыўна пачалі штрафаваць, беларусы сталі вывешваць вопратку белага і чырвонага колеру ў пэўнай паслядоўнасці. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.