Заяўку на "Еўрабачанне" падала выканаўца песні "Шчучыншчына"

Заяўку на нацыянальны адбыор "Еўрабачання" падала выканаўца хіта "Шчучыншчына". Пра гэта паведамляецца на старонцы праекта "ЧынЧынЧэнэл" у Фэйсбуку.

Алена Жалудок (актрыса Алена Зуй-Вайцяхоўская) плануе выступаць з песняй "Дзекаць i цекаць".

Канал "ЧынЧынЧэнэл" вядуць былыя акторы Купалаўскага тэатра Міхаіл Зуй і Дзмітрый Ясяневіч. У кастрычніку 2020-га там з'явіўся ролік з песняй "Шчучыншчына", які атрымаў шалёную папулярнасць у беларускіх сацсетках. 

На цяперашні час гэты відэаролік мае больш за 800 тысяч праглядаў.

Дарэчы, удзельнікі праекта "ЧынЧынЧэнэл" былі гасцямі студыі Еўрарадыё.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.