Заклікаем Беларусь спыніць свой саўдзел у вайне — генеральны сакратар NATO
Анджэй Дуда і Енс Столтэнберг / twitter.com/jensstoltenberg
15 лютага генеральны сакратар NATO Енс Столтэнбэрг правёў у Бруселі сустрэчу з прэзідэнтам Польшчы Анджэем Дудам. На іх супольнай прэс-канферэнцыі была згадана Беларусь. Па словах генсакратара NATO, абмяркоўвалася роля нашай краіны ў расійскай агрэсіі супраць Украіны.
"Беларусь працягвае прымаць і падтрымліваць расійскія сілы, паглыбляе палітычную і ваенную інтэграцыю з Расіяй, — гаварыў Столтэнберг. — Заклікаем Беларусь перастаць быць саўдзельнікам у вайне!".
Днямі генеральны сакратар NATO ўжо выказваўся пра Беларусь. Столтэнберг падкрэсліў, што рэжым Аляксандра Лукашэнкі "не прадстаўляе народа Беларусі" і што беларусы "маюць зусім не такое меркаванне пра вайну, як рэжым". Ён таксама гаварыў, што "беларускі рэжым не павінен быць саўдзельнікам, не павінен падтрымліваць незаконную расійскую вайну".
W Brukseli z Sekretarzem Generalnym @NATO @jensstoltenberg omówiliśmy sprawy bezpieczeństwa naszego regionu. Podziękowałem @jensstoltenberg za zaangażowanie w rozwój wschodniej flanki Sojuszu i zaprosiłem na Szczyt #B9 w Warszawie. #WeAreNato pic.twitter.com/fal4QEp4BA
— Andrzej Duda (@AndrzejDuda) February 15, 2023
