Зацверджана першая ў гісторыі абаронная канцэпцыя Еўрасаюза
![Зацверджана першая ў гісторыі абаронная канцэпцыя Еўрасаюза](/sites/default/files/styles/gallery_main/public/2023-08/plan.jpg.webp?itok=-gCwLzrh)
Зацверджана першая ў гісторыі абаронная канцэпцыя Еўрасаюза. 21 сакавіка яе ўхвалілі міністры замежных спраў і абароны краін ЕС. Канчаткова канцэпцыю прыме саміт Еўрасаюза 24-25 сакавіка. Вядома, што яна прадугледжвае стварэнне еўрапейскіх Сіл хуткага рэагавання — да 5 тысяч чалавек.
Міністр замежных спраў Латвіі Эдгарс Рынкевічс піша, што канцэпцыя мае назву "Стратэгічны компас". Яна "дае неабходны інструментар для таго, каб ЕС стаў рэальным геапалітычным гульцом у галіне абароны і бяспекі разам з NATO". "Гэта толькі пачатак шляху, — працягвае Рынкевічс. — Многае будзе залежаць ад таго, наколькі паспяхова мы падтрымаем Украіну ў барацьбе з расійскай агрэсіяй".
Мэта "Стратэгічнага компаса" — "зрабіць ЕС больш моцным і здольным пастаўшчыком паслуг у галіне бяспекі", каб ён быў у стане "абараніць сваіх грамадзян і ўнесці свой унёсак у міжнародны мір і бяспеку".
The current hostile environment requires a quantum leap forward. With EU Foreign and Defence Ministers, we just approved the Strategic Compass.
— Josep Borrell Fontelles (@JosepBorrellF) March 21, 2022
The Compass gives us an ambitious plan for action for a stronger EU security and defence for the next decade. https://t.co/UZcI9V5irg
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.