За ўдзел у пратэстах у Мінску асуджаны былы супрацоўнік "Беларусбанка"
![Артур Філіпаў](/sites/default/files/styles/gallery_main/public/2024-03/filipau.jpg.webp?itok=LQemukQC)
Артур Філіпаў / spring96.org
У Беларусі працягваюцца суды над удзельнікамі пратэстаў 2020 года. Праваабаронцам стала вядома, што ў канцы лютага суд Фрунзенскага раёна Мінска вынес прысуд былому супрацоўніку "Беларусбанка" 35-гадоваму Артуру Філіпаву. Яго абвінавацілі ва ўдзеле ў пратэстах 2020-га. Суддзя Ала Скуратовіч прызначыла яму тры гады "хатняй хіміі".
Сцвярджаецца, што Філіпаў неаднаразова ў жніўні-верасні 2020 года ўдзельнічаў у вулічных акцыях пратэсту, "рухаўся па праезнай частцы дарог і тратуараў, у тым ліку ў складзе калоны, блакаваў і заступаў шлях транспартным сродкам".
Мужчыну затрымалі 15 снежня 2023-га. Спачатку на яго склалі пратакол адміністрацыйнага правапарушэння за "распаўсюд экстрэмісцкіх матэрыялаў”. Пасля ўзнікла крымінальная справа.
Філіпаў віну прызнаў часткова, ад дачы паказанняў ён адмовіўся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.