З МЗС звольніўся сын Уладзіміра Макея
![З МЗС звольніўся сын Уладзіміра Макея](/sites/default/files/styles/gallery_main/public/2023-08/vitaliy_makey_foto_mid_rb.jpg.webp?itok=S6VkDQbA)
З МЗС Беларусі звольніўся сын міністра замежных спраў Уладзіміра Макея. Пра гэта паведамляюць TUT.by і nn.by са спасылкай на свае крыніцы. У апошнія гады Віталь Макей працаваў у цэнтральным апараце знешнепалітычнага ведамства, быў старшым дарадцам "упраўлення ўстойлівага развіцця галоўнага ўпраўлення шматбаковай дыпламатыі".
"Я ўстрымаюся ад адказу. Спадзяюся на ваша разуменне", — так Віталь Макей адказаў на просьбу nn.by аб каментары адстаўкі. У МЗС яго называюць вялікім прафесіяналам. Раней ён быў першым сакратаром пасольства Беларусі ў Аўстрыі, працаваў дарадцам па эканамічных і экалагічных пытаннях у прадстаўніцтве Беларусі пры ААН.
Як стала вядома, з МЗС сышла і намесніца начальніка службы дзяржаўнага пратакола, начальнік аддзелу візітаў Таццяна Федаровіч.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.