З Катара Лукашэнка прыляцеў у Аб'яднаныя Арабскія Эміраты
![З Катара Лукашэнка прыляцеў у Аб'яднаныя Арабскія Эміраты](/sites/default/files/styles/gallery_main/public/2023-08/000019_505370_big.jpg.webp?itok=VM7oPVKs)
30 кастрычніка з Катара Аляксандр Лукашэнка прыляцеў у Аб'яднаныя Арабскія Эміраты. Падчас рабочага візіту ў яго запланаваныя перамовы з кіраўніцтвам гэтай краіны. Як адзначае БЕЛТА, на сустрэчах абмяркуюць перспектыўныя накірункі развіцця двухбаковага супрацоўніцтва, а таксама рэалізацыю сумесных праектаў. Вядома, што трэці год запар расце беларускі экспарт у ААЭ. Бізнесмены з далёкай краіны інвестуюць у нашу краіну, найперш іх цікавіць сфера інфармацыйных тэхналогій.
У Катары Лукашэнка знаходзіўся з афіцыйным візітам. На перамовах з кіраўніцтвам гэтай краіны беларускі лідар дамовіўся аб садзейнічанні больш цеснаму гандлёва-эканамічнаму ўзаемадзеянню Беларусі і Катара.