Youtube заблакаваў канал расійскага Z-спевака Шамана
![Спявак Шаман](/sites/default/files/styles/gallery_main/public/2024-07/szaman-0407_1.jpg.webp?itok=OicEWvEY)
Спявак Шаман / ria.ru
Сэрвіс Youtube заблакаваў канал расійскага Z-спевака Яраслава Дронава, які выступае пад сцэнічным псеўданімам "Шаман" (SHAMAN). Артыст вядомы заўзятай прапагандай расійскага ўварвання ва Украіну.
Пра блакаванне паведаміў сам Дронаў. "Мой ютуб-канал заблакавалі, таму што я рускі", — напісаў ён у сваім тэлеграм-канале.
Раней паведамлялася, што 24 чэрвеня Дронаў трапіў пад санкцыі Еўрасаюза. Гэтыя санкцыі ён патлумачыў гэтак жа, як і блакаванне канала: "Мяне ўключылі ў санкцыйны спіс, таму што я рускі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.