Якую Беларусь хочуць для сябе беларусы і хто ім яе дасць? Эфір з Астапенем
![Рыгор Астапеня / Еўрарадыё](/sites/default/files/styles/gallery_main/public/2024-01/astapen.jpg.webp?itok=6XZvs9CI)
Рыгор Астапеня / Еўрарадыё
Дырэктар “Беларускай ініцыятывы” Chatham House Рыгор Астапеня падрыхтаваў да публікацыі даклад з інтрыгоўнай назвай “Якую Беларусь хочуць беларусы?” У ім ідзе размова пра два вобразы краіны, якія існуюць у Беларусі сёння. Першы — гэта Беларусь Аляксандра Лукашэнкі, пабудаваная на аўтарытарным праўленні, калясавецкай ідэнтычнасці і знешнепалітычнай арыентацыі на Расію. Другая Беларусь — гэта краіна, якую ўяўляе дэмакратычны рух, чыім галоўным палітыкам цяпер з’яўляецца Святлана Ціханоўская. Гэта вобраз дэмакратычнай краіны з рынкавай эканомікай, які абапіраецца на нацыяльны праект ідэнтычнасці і мае выразную празаходнюю арыентацыю. Абодва гэтыя вобразы маюць сфармаваныя буйныя групы прыхільнікаў, але ў той ці іншай ступені супярэчаць уяўленням беларусаў, супярэчаць таму, чаго хочуць беларусы, сцвярджае аўтар даклада.
У чым адметнасць вобразаў Беларусі па-лукашэнкаўску і Беларусі, якую ўяўляе дэмакратычны рух? Чаму ні адзін з гэтых праектаў не адпавядае таму, чаго насамрэч хочуць беларусы? Што з сябе ўяўляе ідэальны вобраз Беларусі, пра які беларусы мараць, і ці існуе гэты вобраз наогул? На гэтыя ды іншыя пытанні ў эфіры Еўрарадыё адказвае дырэктар “Беларускай ініцыятывы” Chatham House Рыгор Астапеня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.