The Washington Post: Украіна падманвала расіян драўлянымі муляжамі HIMARS

The Washington Post: Украіна падманвала расіян драўлянымі муляжамі HIMARS

Украінцы "завабліваюць" расійскія крылатыя ракеты на фальшывыя цэлі — драўляныя муляжы комплексаў HIMARS. Пра гэта піша амерыканскае выданне The Washington Post са спасылкай на высокапастаўленых амерыканскіх і ўкраінскіх афіцыйных асоб.

Драўляныя макеты HIMARS праз аб'ектывы расійскіх беспілотнікаў немагчыма адрозніць ад сапраўднай артылерыйскай батарэі. Таму яны перадаюць адпаведныя звесткі караблям з крылатымі ракетамі ў Чорным моры.

Паведамляецца, што за некалькі першых тыдняў па такіх фальшывых цэлях расійскія войскі выпусцілі не менш за 10 крылатых ракет "Калібр". Магчыма, менавіта іх Мінабароны Расіі запісала ў свае "перамогі", пра якія паведамляла на брыфінгах.

17 жніўня міністр абароны Украіны Аляксей Рэзнікаў заяўляў, што ўсе ракетныя комплексы HIMARS цэлыя, не зважаючы на паведамленні расіян.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі