“Віцебск” разграміў “Нёман” дзякуючы хэт-трыку Антона Матвеенкі
14 ліпеня прайшлі тры матчы 16-га тура чэмпіянату Беларусі па футболе сярод каманд вышэйшай лігі. “Віцебск”, які гуляў супраць “Нёмана”, зрабіў сапраўдны фурор, разграміўшы гродзенцаў з лікам 5:1. Адметна, што ў гэтым матчы хэт-трык аформіў хаўбэк віцебскай каманды Антон Матвеенка.
У гэты ж дзень гулялі “Смалявічы” і БАТЭ — 2:3, прычым барысаўчане падаравалі адзін мяч сапернікам, дапусціўшы аўтагол (Яўген Яблонскі). А сталічнае дэрбі “Мінска” і “Промня” скончылася з лікам 3:1.
Раней, 13 ліпеня гулялі “Слуцк” і “Гомель” — 0:1.
Сёння, 15 ліпеня, пройдуць наступныя матчы: “Тарпеда” (Мінск) — “Іслач”, “Дняпро” — “Гарадзея”.
У панядзелак згуляюць брэсцкае “Дынама” і “Шахцёр”. Матч “Тарпеда-БелАЗ” — “Дынама” (Мінск) перанесены на 26 верасня.
Відэа: АБФФ