Vampire Weekend, The xx і Enter Shikari — лепшыя альтэрнатыўшчыкі 2013-га

Надоечы ў Лондане адбылася цырымонія ўзнагароджання альтэрнатыўнай прэміі AIM Independent Music Awards. Галоўнымі трыумфатарамі цырымоніі ўзнагароджання сталі амерыканцы Vampire Weekend, брытанскае інды -фолк трыа Daughter, тандэм Macklemore & Ryan Lewis і гурт The xx.

Daughter атрымалі ўзнагароду ў катэгорыі “Лепшы незалежны альбом года” за свой дэбютны дыск “If You Leave”, Vampire Weekend названыя аўтарамі лепшага трэка “Diane Young”. Macklemore & Ryan Lewis сталі “Галоўным незалежным прарывам года”.

“Лепшым незалежным канцэртным гуртом” на Independent Music Awards былі прызнаныя Enter Shikari, а ўзнагароду за “Лепшы “складаны” другі альбом” далі англійскаму інды-поп-бэнду The xx і іх пласцінцы “Coexist”.

“Лепшым незалежным лэйблам” года прызнаны Warp Records, а самае крутое відэа, па версіі прэміі, атрымалася ў гэтым годзе ў каманды Django Django на трэк “WOR”.

Прэмія Independent Music Awards была заснаваная брытанскай Асацыяцыяй незалежнай музыкі, якая аб'ядноўвае больш за 800 інды-лэйблаў і дыстрыб'ютараў, і супрацьпастаўляе сябе мэйнстрымавай Brit Awards.

Пераможцы Independent Music Awards-2013:

Лепшы жывы выступ (галасаванне наведвальнікаў the-fly.co.uk): Enter Shikari

Незалежны прарыў года: Macklemore & Ryan Lewis

Самы працавіты гурт ці артыст: Frankie & The Heartstrings

Лепшы “складаны” другі альбом: The xx “Co-exist”

Незалежны альбом года: Daughter “If You Leave”

Лепшы малы лэйбл: Alcopop! Records

Незалежны лэйбл года: Warp

Незалежны трэк года: Vampire Weekend “Diane Young”

Незалежнае відэа года: Django Django “WOR”

Прэмія за выдатны ўклад у музку: Billy Bragg

Нагадаем, што адных з лаўрэатаў прэміі, гурт Enter Shikari можна будзе ацаніць самастойна на мінскім канцэрце 5 лістапада.

Фота: theaureview.com