Урон ад расійскага ўварвання ва Украіну складзе не менш як $1 трлн
Горад Барадзянка пасля прыходу "рускага свету"
Урон ад расійскага ўварвання ва Украіну складзе не менш як 1 трлн долараў. Пра гэта распавёў падчас Усеўкраінскага тэлемарафону намеснік міністра эканомікі Аляксандр Грыбан.
“Гэта — страты інфраструктуры, медыцынскай інфраструктуры, адукацыйнай. Ёсць некалькі ўзроўняў — дзяржаўны, муніцыпальны, прыватны. Усе гэтыя страты каласальныя. Падлік канчатковы яшчэ вядзецца, але гэта не менш за трыльён долараў. І ў нас сапраўды будзе вельмі шмат працы па аднаўленні", — сказаў ён.
З пачатку вайны, 24 лютага, расійскія войскі працягваюць знішчаць грамадзянскую інфраструктуру ўкраінскіх населеных пунктаў. У сярэдзіне сакавіка прэм'ер-міністр Дзяніс Шмыгаль казаў, што паводле папярэдніх падлікаў на аднаўленне Украіны трэба больш за 500 млрд долараў.
