Ураган у лагеры, дзе загінула дзіця, трапіў на відэа
![Наступствы ўрагану ў лагеры ў Рэчыцкім раёне](/sites/default/files/styles/gallery_main/public/2024-07/lager.jpg.webp?itok=4TNNL7Ch)
Наступствы ўрагану ў лагеры ў Рэчыцкім раёне / @skgovby
Трагедыя, якая адбылася ў дзіцячым аздараўленчым лагеры ў Рэчыцкім раёне, трапіла на відэа. Яго публікуе канал "Беларусь за МКАДам". У нядзелю, 14 ліпеня, моцны вецер пачаў валіць дрэвы. У выніку адно дзіця загінула, шасцёра пацярпелі.
У Следчым камітэце казалі, што стыхія пачалася раптоўна. У гэты час на канцэртнай пляцоўцы ішло забаўляльнае мерапрыемства. Калі пачалася бура, дзеці пабеглі ў карпусы. Загінуламу хлопчыку было 13 гадоў.
Тым часам гомельскія ўлады паведамляюць, што ў бальніцы на лячэнні застаюцца двое дзяцей з лагера. Адну дзяўчынку прааперавалі і перавялі ў РНПЦ траўматалогіі і артапедыі ў Мінск. Яе стан стабільны. Другое дзіця знаходзіцца пад наглядам медыкаў у Рэчыцкай ЦРБ, яго стан здавальняльны.
![Ураган в лагере, где погиб ребенок, попал на видео](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-07-16%20102311.png.webp?itok=dwcjbYUy)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.