Уначы пад Гомелем згарэў легкавік, кіроўца загінуў

30 чэрвеня каля гадзіны ночы ў Гомельскім раёне згарэў легкавік, кіроўца загінуў. Як паведамляе прэс-служба міліцыі Гомельскай вобласці, 21-гадовы вадзіцель аўтамабіля Mazda на закругленні дарогі не саўладаў з кіраваннем (мяркуецца, што няправільна абраў хуткасць для руху), і машына апынулася ў кювеце, дзе сутыкнулася з дрэвам. Легкавік загарэўся. Кіроўца загінуў у агні.

22-гадовы пасажыр, які ехаў на пярэднім сядзенні, выжыў. Ён атрымаў траўмы і змешчаны ў нейрахірургічнае аддзяленне Гомельскай абласной клінічнай бальніцы.