Уначы 7 красавіка ў Беларусі чакаюцца замаразкі
![Уначы 7 красавіка ў Беларусі чакаюцца замаразкі](/sites/default/files/styles/gallery_main/public/2023-08/000022_705619_big.jpg.webp?itok=DtUmlK0y)
Уначы 7 красавіка на паўночным захадзе Беларусі чакаюцца замаразкі — ад 0 да мінус 1 градуса. У начныя гадзіны ў астатніх рэгіёнах краіны будзе ад +1 да +7 градусаў (у Мінску — 3-5 цяпла), у дзённыя гадзіны — 9-14 градусаў вышэй за нуль (у сталіцы — 8-10 градусаў са знакам плюс).
Ападкі (дажджы і навальніцы) магчымыя пераважна на ўсходзе нашай краіны. Вецер будзе паўночна-заходні, 4-9 метраў за секунду, паведамляе БЕЛТА са спасылкай на сіноптыкаў.
Цёплае надвор'е вернецца ў Беларусь у пачатку наступнага тыдня, тэмпература паветра месцамі ўдзень падымецца да 15-21 градуса.