Украінскі кінарэжысёр Алег Сянцоў расказаў, як ваюе на фронце ў самым пекле
![Алег Сянцоў на фронце / https://www.facebook.com/oleg.sentsov/](/sites/default/files/styles/gallery_main/public/2023-08/347420756_6410808605669288_2815598709138213478_n.jpg.webp?itok=Kn7N2WXk)
Алег Сянцоў на фронце / https://www.facebook.com/oleg.sentsov/
Украінскі кінарэжысёр Алег Сянцоў расказаў, як ваюе на фронце ў самым пекле. "Гэта быў чарговы цяжкі дзень нашага наступу, — піша ён у Facebook. — Мы занялі вызначаную нашай роце пазіцыю, хоць і панеслі страты. Нашу машыну падбілі, але мы з экіпажам змаглі вылезці. Вайна за нашу зямлю працягваецца. Вечная слава тым, хто загінуў, вызваляючы Украіну ад захопнікаў!".
Сянцову 46 гадоў. Ён таксама пісьменнік і сцэнарыст. Пасля захопу расіянамі Крыму быў затрыманы як украінскі актывіст па падазрэнні ў "тэрарызме", у 2015-м асуджаны расійскім судом на 20 гадоў калоніі строгага рэжыму. Вінаватым сябе не прызнаў, трымаўся мужна. Вярнуўся ва Украіну ў верасні 2019-га ў выніку абмену. Ваюе на фронце за Украіну. Нядаўна атрымаў званне малодшага лейтэнанта.
![Украінскі кінарэжысёр Алег Сянцоў расказаў, як ваюе на фронце ў самым пекле](/sites/default/files/styles/default_image_paragraph/public/paragraphs/image/347246730_6382866078463541_1324392075436830221_n.jpg.webp?itok=yggRPYt5)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.