Украінцы атакавалі марскі тэрмінал у Наварасійску
Пажар у Наварасійску / тг-канал Exilenova
Украінскія беспілотнікі атакавалі порт у Наварасійску (Краснадарскі край РФ). Гэта найбуйнейшы марскі порт Расіі па аб'ёмах перавалкі.
У выніку атакі там загарэўся мазутны тэрмінал. Кіраўнік горада Андрэй Краўчанка заявіў, што абломкі дронаў зваліліся на тэрыторыі мясцовых прадпрыемстваў і каля жылога дома. Паводле папярэдняй інфармацыі, пацярпелых няма.
У сваю чаргу расіяне атакавалі беспілотнікамі пункт пропуску "Стараказачча" на мяжы Украіны і Малдовы, перадае hromadske.ua. Дроны пацэлілі па інфраструктуры пункту пропуску і прылеглай тэрыторыі. Там пачаўся пажар. Паводле звестак Памежнай службы Украіны, два чалавекі загінулі, яшчэ трое пацярпелі. Ратавальнікі эвакуявалі з месца здарэння 16 чалавек і аўтобусам даставілі іх у бяспечнае месца для часовага размяшчэння.
