Украіна не пагадзіцца на аднаўленне перамоваў па Данбасу ў Мінску

Аляксей Арастовiч / caliber.az
Аляксей Арастовiч / caliber.az

Украіна не пагадзіцца на аднаўленне перамоваў па Данбасу ў Мінску. Пра гэта ў эфіры"Украіна 24" распавёў дарадца ўкраінскай дэлегацыі ў Трохбаковай кантактнай групе Аляксей Арастовіч, каментуючы адпаведную прапанову Расіі:

"Я не ведаю, чым яны кіруюцца, але ўкраінская дэлегацыя кіруецца двума рэчамі. Першае, мы лічым, што эпідэміялагічная сітуацыя не дазваляе нам ехаць у Мінск, і мы аддаем перавагу застацца ў рэжыме відэаканферэнцыі. Другое — гэта сітуацыя ў Беларусі, а менавіта тое, што мы не прызналі абраным прэзідэнтам Лукашэнку. Украіна адмовіла яму ў праве прадстаўляць беларускі народ"​, —  заявіў Арастовіч.

У той жа час Арастовіч адзначыў, што выбар іншага месца для перамоваў замест Беларусі пакуль "носіць тэарэтычны характар", так як розныя краіны прытрымліваюцца розных эпідэміялагічных мерапрыемстваў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі