Сіноптыкі: У суботу будзе хмарна з распагоджаннямі, але цёпла
Месцамі па паўночным захадзе краіны пройдуць невялікія дажджы, а ўначы і зранку ў некаторых раёнах будзе туман.
Як паведамляе Рэспубліканскі гідраметэацэнтр, вецер чакаецца паўднёва-заходні 5-10 метраў у секунду. Тэмпература паветра ўначы складзе +1...+7 градусаў, пры распагоджаннях па поўдні — ад 0 да -3 градусаў, удзень паветра прагрэецца да 7-13 градусаў вышэй за 0.
Увогуле ж, першая дэкада лістапада ў сталіцы чакаецца на 4 градусы цяплейшая за кліматычную норму.
Пачынаючы з нядзелі больш частымі стануць дажджы. Уначы +6…+8 °С, днём +10…+12 °С, кароткачасовы дождж.
Фота — thekievtimes.ua