У РФ прынялі экстранныя меры з-за моцнага падзення курсу рубля
"У нас усё стабільна", — гаварыў Пуцін Лукашэнку / pixabay.com
У РФ прынялі экстранныя меры з-за моцнага падзення курсу рубля. У пятніцу расійскі Цэнтрабанк павысіў ключавую стаўку да 13%. Такое рашэнне тлумачыцца "высокімі інфляцыйнымі рызыкамі", ростам унутранага попыту і паслабленнем рубля летам 2023-га.
Ключавая стаўка павышаецца трэці раз за два месяцы. У сярэдзіне жніўня яна вырасла адразу з 8,5% да 12%. Тады рашэнне тлумачылі "праінфляцыйнымі рызыкамі" і аслабленнем рубля.
"У нас усё стабільна, надзейна, што не можа не радаваць, — запэўніваў 15 верасня ў Сочы Уладзімір Пуцін Аляксандра Лукашэнку. — Чаму я кажу гэта? Таму што мы з вамі добра ведаем: стан расійскай эканомікі, вядома, адбіваецца на нашым узаемадзеянні ў рамках саюзнай дзяржавы".
Лукашэнка яго словы, відаць, успрымаў скептычна. Ён быў сумны і насцярожаны. Прапанаваў Пуціну "падумаць і аб супрацоўніцтве недзе на траіх: Паўночная Карэя, Расія…"
