У расійскім Азове пасля атакі беспілотніка гараць рэзервуары з палівам
![На месцы здарэння](/sites/default/files/styles/gallery_main/public/2024-06/fire_18_06.jpg.webp?itok=liOWyVmE)
На месцы здарэння / @mchs_official
Буйны пажар здарыўся мінулай ноччу ў расійскім горадзе Азоў (Растоўская вобласць). Тут загарэліся рэзервуары з нафтапрадуктамі, для ліквідацыі надзвычайнага здарэння былі задзейнічаны 70 пажарных і пажарны цягнік. Пра гэта паведамілі ў МНС Расіі. У міністэрстве не ўдакладнілі, што стала прычынай узгарання. Аднак раней губернатар вобласці Васіль Голубеў напісаў, што рэзервуары загарэліся ў выніку атакі беспілотніка. Пры гэтым ён зазначыў, што "рызыкоў распаўсюджвання пажару на іншыя аб'екты, а таксама пагроз для жыхароў няма".
Мясцовы рэсурс "Гэта Растоў" ноччу пісаў, што мясцовыя жыхары чулі не менш за 5 магутных выбухаў.
МНС Расіі таксама паведамляе, што плошча пажару складае 5000 кубічных метраў (плошчу прыводзіць у адзінках аб'ёму). Пацярпелых, як сцвярджаюць у міністэрстве, няма.
![В российском Азове после атаки беспилотника горят резервуары с топливом](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-06-18%20081248.png.webp?itok=wpb6p-7N)
![В российском Азове после атаки беспилотника горят резервуары с топливом](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-06-18%20081218.png.webp?itok=ni3i_rpI)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.