У Расіі ўпаў яшчэ адзін ваенны самалёт
![Су-34](/sites/default/files/styles/gallery_main/public/2023-09/su34r.jpg.webp?itok=F1gMlotX)
Су-34 / ria.ru
У Расіі ўпаў яшчэ адзін ваенны самалёт — Су-34. Здарэнне адбылося раніцай 20 верасня ў Варонежскай вобласці. Два лётчыкі паспелі катапультавацца, іх знайшлі і эвакуявалі. Сцвярджаецца, што самалёт упаў у бязлюднай мясцовасці, далёка ад населеных пунктаў. На месцы падзення ўзнік пажар.
Су-34 выконваў вучэбна-трэніровачны палёт. Папярэдне прычынай здарэння называюць тэхнічную няспраўнасць. Мяркуецца, што ў самалёта адмовіла левая стойка шасі.
Катастрофы з ваеннымі самалётамі ў РФ адбываюцца рэгулярна. Звычайна з-за тэхнічнай няспраўнасці. Ваенная авіяцыя актыўна выкарыстоўваецца на вайне ва Украіне, дзе ўжо загінула шмат вопытных лётчыкаў.
![У Расіі ўпаў яшчэ адзін ваенны самалёт](/sites/default/files/styles/default_image_paragraph/public/paragraphs/image/3334_0.jpg.webp?itok=zbIzL0rb)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.