У Расіі разбіўся верталёт ФСБ
Мі-8 / Ілюстрацыйнае фота ria.ru
29 жніўня ў Чалябінскай вобласці Расіі разбіўся верталёт ФСБ. Усе тры чалавекі (пілот-інструктар і двое курсантаў), якія былі на борце Мі-8, загінулі.
Вядома, што верталёт выконваў трэніровачны палёт. Экіпаж адпрацоўваў манёўр "узлёт-пасадка", піша Baza. Аднак нешта пайшло не так. Відавочцы кажуць, што перад тым, як зваліцца на зямлю, верталёт кідала з боку ў бок, а затым ён каменем пайшоў уніз.
Мяркуецца, што ўзнікла праблема з рухавіком, што і стала прычынай падзення Мі-8.
