У пятніцу ў Беларусі будзе да +30, па захадзе пройдуць дажджы
Дождж, ілюстрацыйнае фота / pixabay.com
У пятніцу, 26 ліпеня, у Беларусі прагназуецца пераменная воблачнасць, паведмаляе Белгідрамет.
Уначы пераважна па заходняй палове, удзень — месцамі, а па захадзе на большай частцы тэрыторыі пройдуць дажджы. У асобных раёнах прагрымяць навальніцы, уначы месцамі па захадзе краіны чакаюцца моцныя дажджы. Вецер будзе няўстойлівы слабы да ўмеранага, пры навальніцах — парывісты.
Тэрмометры ўначы пакажуць 12-18 вышэй за нуль. Удзень паветра прагрэецца да +25...+30, па захадзе Беларусі чакаецца 21-24 цяпла.
