У прыгранічных абласцях Расіі збілі некалькі беспілотнікаў
![Іранскія дроны ў Расіі перайменавалі ў "Герань" / gur.gov.ua](/sites/default/files/styles/gallery_main/public/2023-08/drony_10_05.jpg.webp?itok=iSyeMp51)
Іранскія дроны ў Расіі перайменавалі ў "Герань" / gur.gov.ua
Расіяне мінулай ноччу атакавалі беспілотнікамі Днепрапятроўскую вобласць Украіны. Былі збітыя тры іранскія "Шахеды", піша кіраўнік рэгіёну Сяргей Лысак.
Але адначасова расіянам давялося адбівацца ад беспілотнікаў і ў сябе — у Белгародскай і Курскай абласцях. Аб гэтым распавядае Baza. У Курскай вобласці абломкі беспілотніка ўпалі на прыватны дом у вёсцы Талмачова. Людзі не пацярпелі. Яшчэ адзін беспілотнік выбухнуў у сяле Альхаватка Белгародскай вобласці. Тут у выніку выбуху пашкоджаныя два дамы, бібліятэка, пошта і аўтамабіль. Расійскія ўлады і медыа сцвярджаюць, што беспілотнікі былі ўкраінскія. У Кіеве гэтыя абвінавачванні не каментуюць.
![В приграничных областях России сбили несколько беспилотников](/sites/default/files/styles/default_image_paragraph/public/paragraphs/image/ukr_10_05.jpg.webp?itok=vyvrs1Uk)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.