У Пружанскім раёне знайшлі пяць загінулых зуброў
![У Пружанскім раёне знайшлі пяць загінулых зуброў](/sites/default/files/styles/gallery_main/public/2023-08/zubry-1305.jpg.webp?itok=uyST90w6)
У Пружанскім раёне Брэстчыны выявілі пяць загінулых зуброў, паведамляе прэс-служба Міністэрства прыродных рэсурсаў і аховы навакольнага асяроддзя.
Паводле папярэдніх звестак, гэтыя зубры належаць да Белавежскай мікрапапуляцыі.
Прычыны іх гібелі высвятляюцца. На месцы здарэння працуе камісія з удзелам прадстаўнікоў тэрытарыяльнага органа Мінпрыроды ды іншых зацікаўленых арганізацый.
Апошні масавы выпадак гібелі зуброў адбыўся ў студзені 2022-га. Статак з 100 асобін пераходзіў узімку праз раку і праваліўся пад лёд. Тады загінула 21 жывёла.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.