У Польшчы спынілі дзейнасць групы дыверсантаў, якія працавалі на РБ і РФ
![У аперацыі ўдзельнічала Агенцтва ўнутранай бяспекі](/sites/default/files/styles/gallery_main/public/2024-09/polskie-sluzby-rozbily-grupe-dywersantow-zdj-ilustracyjne.jpeg.webp?itok=4CxbV5Bc)
У аперацыі ўдзельнічала Агенцтва ўнутранай бяспекі / onet.pl
У Польшчы днямі спынілі дзейнасць групы дыверсантаў, звязаных са спецслужбамі РБ і РФ. Пра гэта заявіў віцэ-прэм'ер Кшыштаф Гаўкоўскі, паведамляе pap.pl. Паводле яго слоў, "беларускія і расійскія службы ў сферы кібербяспекі ў Польшчы мелі пэўную мэту: выкрасці інфармацыю, давесці да індывідуальнага і інстытуцыйнага шантажу, і весці, дэ-факта, кібервайну". Гаўкоўскі называе аперацыю вялікім поспехам.
Мэтай кібердыверсантаў, кантраляваных з Беларусі і Расіі, была распрацоўка метадаў атакі і ўзлому розных урадавых устаноў Польшчы. Першым пацярпела Польскае антыдопінгавае агенцтва. Тады пачалося расследаванне. Спецслужбы паставілі сваёй задачай вызначыць кірункі пранікнення кібердыверсантаў у іншыя польскія ўстановы: ад мясцовых органаў да дзяржкампаній.
Віцэ-прэм'ер не падаў падрабязнасцяў аб складзе дыверсантаў, іх кіраўніках, а таксама аб учыненых імі атаках або падрыхтоўцы такіх атак. Ён заявіў, што яны мелі на мэце параліч дзяржавы ў палітычнай, ваеннай і эканамічнай сферах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.