У офісах буйных нафтавых кампаній Еўропы прайшлі ператрусы (відэа)
Пад строгі нагляд еўрапейскіх уладаў трапілі Shell, Statoil і Beyond petroleum.
Антыманапольныя органы Еўракамісіі западозрылі іх у змове. Кампаніі нібыта падавалі скажоныя звесткі пра кошт нафты агенцтву "Платс" — адной з найбольш паважаных у свеце крыніц інфармацыі пра энергетыку. Такім чынам нафтавыя кампаніі нібыта спрабавалі маніпуляваць коштамі на рынку нафты і біяпаліва, адзначае сайт podrobnosti.ua.
Еўракамісія, аднак папярэджвае, што сам факт расследавання яшчэ не даказвае віну кампаній. І пакуль рана сцвярджаць, што яны парушылі прынцыпы свабоднай канкурэнцыі.
Фота — bloomberg.com
