У Нямеччыне зніклі 1,5 млн чалавек
Насельніцтва гэтай краіны аказалася меншым, чым меркавалі дэмографы.
31 траўня былі апублікаваныя дадзеныя перапісу насельніцтва, праведзенага ў 2011 годзе. Яны сведчаць, што два гады таму ў Нямеччыне жылі 80 мільёнаў 200 тысяч чалавек. Дэмографы ж раней называлі лічбу, большую на 1 млн 500 тысяч чалавек.
92,3% жыхароў маюць нямецкае грамадзянства. У краіне на момант правядзення перапісу жылі больш за 6 мільёнаў замежнікаў, а выхадцаў з іншых краін налічвалася 15 мільёнаў, інфармуюць "Нямецкія хвалі".
