У нядзелю пройдуць дажджы, будзе да +23 на поўдні
У бліжэйшыя суткі, 16 ліпеня, у Беларусі чакаецца хмарнае з праясненнямі надвор’е. Уначы, пераважна па ўсходняй частцы краіны, а раніцай і ўдзень на большай частцы тэрыторыі чакаюцца кароткачасовыя дажджы. Удзень у асобных раёнах магчымыя навальніцы. Уначы і раніцай у асобных раёнах сіноптыкі прагназуюць слабы туман.
Вецер будзе паўночна-заходнім, умеркаваным.
Тэмпература паветра ўначы складзе 8-13 градусаў цяпла. Удзень будзе 15-20 градусаў, на поўдні — да плюс 21-23, паведамляе БЕЛТА са спасылкай на Белгідрамет.