У нядзелю будзе туманна і да мінус 3 уначы
![У нядзелю будзе туманна і да мінус 3 уначы](/sites/default/files/styles/gallery_main/public/2023-08/tuman-2.jpg.webp?itok=CZpNCIa8)
У бліжэйшыя суткі, 9 красавіка, у Беларусі чакаецца хмарнае з праясненнямі надвор’е, пераважна без ападкаў. Толькі на паўднёвым захадзе сіноптыкі прагназуюць невялікія ападкі ў выглядзе дажджу.
Уначы і раніцай у асобных раёнах чакаецца туман. Вецер будзе паўночна-заходнім з пераходам на паўднёва-заходні 4-9 метраў за секунду.
Тэмпература паветра ўначы прагназуецца ад мінус 3 да плюс 3, удзень будзе ад 7 цяпла на поўначы да +15 на паўднёвым захадзе, перадае БЕЛТА са спасылкай на Белгідрамет.