У нядзелю будзе да +9 з невялікімі ападкамі
У бліжэйшыя суткі, 12 сакавіка, у Беларусі чакаецца хмарнае з праясненнямі надвор’е. Уначы пераважна па паўднёва-ўсходняй частцы краіны пройдуць ападкі, удзень на большай частцы тэрыторыі — невялікія ападкі ў выглядзе дажджу і мокрага снегу.
Уначы і раніцай у асобных раёнах будзе туман, слабы галалёд, на асобных участках дарог — галалёдзіца. Вецер будзе паўночна-ўсходні 4-9 метраў за секунду. Тэмпература паветра ўначы складзе ад мінус 2 да плюс 4, удзень — 3-9 градусаў цяпла, перадае БЕЛТА са спасылкай на Белгідрамет.