У Мінску затрыманы дырэктар аўтацэнтра "Мерседэс"

Стала вядома пра затрыманне за ўдзел у пратэстах дырэктара аўтацэнтра "Энергія ГмБХ" — гэта салон, які з'яўляецца афіцыйным дылерам аўтамабільнай маркі "Мерседэс". Інфармацыя пра затрыманне топ-менеджара з'явілася ў канале сілавікоў.

На відэа, якое публікуюць сілавікі, мужчына кажа, што ў жніўні 2020 года ўдзельнічаў у мітынгу. "На той момант гэта не было забаронена, таму хадзіў", — адзначае ён. Мужчына таксама кажа, што "пералічыў 1200 рублёў у Фонд салідарнасці", і дадае, што "за гэтыя дзеянні затрыманы".

Сілавікі таксама прымусілі мужчыну назваць свой заробак.