У Мінску за ўдзел у пратэстах 2020-га затрымалі шматдзетнага бацьку
![Аляксандр Майсеенка ](/sites/default/files/styles/gallery_main/public/2024-01/maj1.jpg.webp?itok=2lfkdVNG)
Аляксандр Майсеенка / t.me/mediazona_by/
У Мінску за ўдзел у пратэстах 2020-га затрымалі шматдзетнага бацьку, супрацоўніка кампаніі па вытворчасці шчытоў "Электратэма". На відэа сілавікоў яго прымусілі назваць свой заробак. Мужчына кажа пра свой удзел у пратэстах і пра тое, што пакідаў "негатыўныя каментары ў тг-каналах". А прапагандысты дадаюць, што ён "перакрываў дарогі", "распальваў нянавісць і абражаў прадстаўнікоў улады".
Як піша @mediazona_by, затрыманы — гэта Аляксандр Майсеенка. Ён кажа на відэа, што разам з жонкай выхоўвае траіх дзяцей. Яго дачцы 4 гады, сынам 7 і 9 гадоў. Жонка нідзе не працуе.
![У Мінску за ўдзел у пратэстах 2020-га затрымалі шматдзетнага бацьку](/sites/default/files/styles/default_image_paragraph/public/paragraphs/image/4444_14.jpg.webp?itok=qJKIkuQy)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.