Вы тут

У Мінску прайшло развітанне з Раманам Бандарэнкам

Развітанне / Фота слухачоў Еўрарадыё

У Мінску прайшло развітанне з Раманам Бандарэнкам. Каля царквы па вуліцы Гамарніка сабраліся тысячы людзей.

31-гадовы Бандарэнка памёр 12 лістапада ў мінскай Бальніцы хуткай медыцынскай дапамогі. Напярэдадні ён выйшаў у двор свайго дома — на "Плошчу перамен" — у момант, калі невядомыя зразалі бел-чырвона-белыя стужкі з агароджы.  Рамана затрымалі і завезлі ў Цэнтральнае РУУС. Пазней ён быў дастаўлены ў рэанімацыю ў цяжкім стане, яго выратаваць не ўдалося. Справа Бандарэнкі набыла шырокі розгалас і ў Беларусі, і ў замежжы.

Рамана Бандарэнку пахаваюць на Паўночных могілках.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.